ლარინგიტის მკურნალობა სახლის პირობებში

ლარინგიტის მკურნალობა სახლის პირობებშილარინგიტი წარმოადგენს ხორხის ლორწოვანი გარსის ანთებას, რომელიც გამოწვეულია ბგერითი იოგების ზედმეტი დაძაბვით და ჰიპოთერმიით. ასევე შესაძლებელია გამოწვეული იყოს სხვადასხვა მწვავე ინფექციით. მწვავე ანთებითმა პროცესმა შესაძლებელია მოიცვას ხორხის მთელი ლორწოვანი გარსი, ხორხის სარქველის ლორწოვანი გარსი, ბგერითი იოგები და პირის ღრუს კედლები.

ლარინგიტის ქრონიკული ფორმა ვითარდება მაშინ, როდესაც დაავადება პერიოდულად მეორდება. ასევე ცხვირის და ყელის ზოგიერთი უბნის ხანგრძლივი ანთებითი პროცესისას.

ყველაზე გავრცელებულ მეთოდს ლარინგიტის სამკურნალოდ სახლის პირობებში წარმოადგენს: ინჰალაცია, აბაზანები, თაფლი და ასევე კომპრესები, ხოლო ყველაზე კარგად მოქმედ ნაყენს ყელის სავლებად წარმოადგენს შემდეგი რეცეპტი, რომლისთვისაც საჭიროა გამოვიყენოთ: 1 ჭიქა ადუღებული წყალი და რამოდენიმე ჩაის კოვზი კოთხუჯის ძირები. შეიძლება ასევე გამოვიყენოთ გვირილის, კოთხუჯის ძირებისა და მარწყვბალახას ნარევი. ვიღებთ ამ ნარევიდან 1 ჩაის კოვზს და ვადუღებთ მას 1 ჭიქა ადუღებული წყლით. ასევე შეიძლება წყლით გავაზავოთ  კარტოფილის და ჭარხლის წვენი, შემდეგ კი ამ ნაყენით გავიკეთოთ სავლები. ამის გარდა, შესაძლებელია თბილი რძის გამოყენება, რომელშიც წინასწარ იყო მოხარშული სტაფილო. ერთადერთ აუცილებლობას წარმოადგენს ის, რომ ყელი უნდა გამოივლოთ რაც შეიძლება ხშირად, არანაკლებ 5ჯერ დღეში.

ინჰალაცია ლარინგიტის დროს

ინჰალაციის გასაკეთებლად საჭიროა ავიღოთ ისეთი ჭურჭელი, რომელსაც აქვს განიერი თავსაფარი და უნდა დაველოდოთ სანამ მასში წყალი არ ადუღდება. ამის შემდეგ, რამოდენიმე წუთში, უკვე შეიძლება ინჰალაციის დაწყება. ინჰალაციისთვის  საჭიროა გამოვიყენოთ ნახევარი კოვზი სოდა ერთ ჭიქა წყალზე პროპორციით. ასევე ინჰალაციისთვის შეიძლება გამოვიყენოთ გვირილის, შალფეის, მარწყვბალახას და  კოთხუჯის ნახარში. აგრეთვე ბორჯომი. გარდა ამისა ინჰალაციის ნაყენს უმატებენ 2-3 წვეთ მენთოლის ან ევკალიპტის ზეთს.

კარგი თერაპიული ეფექტი ლარინგიტის დროს აქვს ისეთ ინჰალაციებს, რომლებიც კარგად არბილებენ ყელის ლორწოვან გარსს, ამცირებენ ხველებას და ასევე ხელს უწყობენ ნახველის გამოყოფას. ლარინგიტის სამკურნალოდ  საკმაოდ ფართოდ გამოიყენება ულტრაბგერითი და საინჰალაციო  აპარატები. ასევე ისეთი აპარატი, რომელიც გამოყოფოს სამკურნალო ორთქლს. ყველაზე ეფექტურ საშუალებას ლარინგიტის სამკურნალოდ ნიშნავს ექიმი ინდივიდუალურად. მაგალითისთვის ეს შესაძლებელია იყოს ისეთი ბალახების ნახარში როგორებიცაა: ევკალიპტი, სოჭის ფოთლები, გვირილა, თავშავას ყვავილი, შალფეი ან ვირისტერფა. ამის გარდა ინჰალაციისთვის გამოიყენება სოჭის, ევკალიპტის და მენთოლის არომაზეთები, ქლოროფილიტები, ნივრის და ხახვის ფიტოციდები, სოდის ხსნარი.

სახლის პირობებში ავადმყოფს თავზე აფარებენ პირსახოცს ან შეიძლება გამოიყენონ ქაღალდის კონუსი, რომლის მეშვეობითაც მოხდება ორთქლის შესუნთქვა. ეს უნდა მოხდეს მხოლოდ კონუსის ვიწრო მხრიდან, რათა არ მივიღოთ ხელის დამწვრობა.  ასეთი ინჰალაციების  ჩატარება სახლის პირობებში უნდა მოხდეს 3-8 ჯერ დღეში. მსგავსი სახის ინჰალაციით ბავშვების მკურნალობა არ არის ადვილი, ამიტომ ლარინგიტის მკურნალობა ბავშვებში უფრო მოსახერხებელია ინჰალაციის აპარატის მეშვეობით, რომელიც სითხეს აქცევს ორთქლად და უფრო უკეთესად აღწევს სასუნთქ სისტემაში.

ზეთოვანი ინჰალაციები ლარინგიტის დროს

ზეთოვანი ინჰალაციის გამოყენება ლარინგიტის მკურნალობის დროს უზრუნველყოფს საკმაოდ გამძლე დამცავი ფენის წარმოქნას სასუნთქ სისტემაში, რომელსაც შეუძლია დაიცვას ყელის ლორწოვანი გარსი მავნე სხეულების მოხვედრისაგან. დამაწყნარებელი, ბაქტერიული და ჭრილობის შეხორცების ეფექტით გამოირჩევა ლიმნის, სოჭის და ღვიას ზეთები. ასევე მცენარეული ნარევები, რომლებიც შეიცავენ პროპოლისის ან კრაზანის ზეთებს. ძალიან ეფექტურია ზეთოვანი ინჰალაციებიც ვარდის, ატმის, ევკალიპტის და მენთოლის ზეთით. ინჰალაციას ცხელი ორთქლით ატარებენ ფართო მოცულობის მქონე ჭურჭელში 5-8 წუთის განმავლობაში. პაციენტებს რომლებსაც აქვთ სასუნთქი გზების დაზიანება, აწუხებთ უძილობა, გამოირჩევიან მომატებული აღგზნებულობით. ექიმი უნიშნავს ცივ ინჰალაციებს. იმისთვის, რომ ჩატარდეს ასეთი პროცედურა საჭიროა, წყლით სავსე ჭურჭელში ჩავაწვეთოთ რამოდენიმე წვეთი ზეთი. შემდეგ ავადმყოფი აკეთებს რამოდენიმე ჩასუნთქვას, თუ ჭურჭელს მიიტანს ცხვირთან.

კომპრესი ლარინგიტის დროს

ლარინგიტის დროს ადგილობრივი გამათბობლის როლს კარგად ასრულებს კომპრესი, რომელიც უზრუნველყოფს სისხლძარღვების გაფართოებას და ასევე არეგულირებს სისხლის მიმოქცევას. მსგავსი უბრალო, მაგრამ ძალიან ეფექტური პროცედურა მალევე ათავისუფლებს ადამიანს ლარინგიტის მტანჯველი სიმპტობებისგან  და მალევე უბრუნებს მას ხმას. მზა კომპრესს ათავსებენ ყელის ან გულმკერდის არეში. კომპრესის დასამზადებლად საჭიროა მარლა ან ბინტი, რომელსაც ასველებენ არყით, სპირტით, ზეთის ხსნარით ან სხვა სამკურნალო თვისებების მქონე ხსნარებით. მზა კომპრესს ათავსებენ კანზე, შემდეგ კი ზედაპირს ახვევენ ცელოფნით და შემდეგ ჩათბობის მიზნით კიდევ გარშემო ახვევენ  თბილი შარფით ან ცხვირსახოცით. ცელოფნის ზომა განისაზღვრება იმის მიხედვით თუ რა ზომისაა მარლა. იგი რამოდენიმე სანტიმეტრით უნდა აღემატებოდეს მარლის ზომას. რაც შეეხება შარფს ან ცხვირსახოცს, ის უფრო განიერი უნდა იყოს.

ლარინგიტის მკურნალობას თბილი კომპრესების მეშვეობით  ატარებენ 4-8 საათის განმავლობაში, მაგრამ საჭიროა 2 საათიანი შესვენებების გაკეთება. კომპრესის მოხსნის შემდეგ არ შეიძლება გარეთ გასვლა. თუ მაინც აუცილებელია სასწრაფოდ გარეთ გასვლა, საჭიროა ყელზე სქელი, თბილი შარფი შემოვიხვიოთ. თუ იმ ადგილას სადაც იყო კომპრესი წარმოიქმნა რაიმე გაღიზიანება, ეს ადგილი უნდა დამუშავდეს კრემით ან ვაზელინით. ეს უნდა მოხდეს ძილის წინ. იმ კომპრესისთვის რომელიც იდება მკერდზე, გამოიყენება გაცხელებული ზეთი, შესაძლებელია გამოყენებულ იქნეს ცხოველური ცხიმიც. ხშირ შემთხვევაშ გამოიყენება ღორის ან მაჩვის ცხიმი. აღნიშნული კომპრესის უკუჩვენება თავს იჩენს მისი მაღალი სიცხის დროს გამოიყენებისას, რადგან უფრო მაღლა წევს სიცხეს.




Метки:  | Автор:   ©
Дата публикации: 14.03.2015